Dende a Limia
13:53 h. Viernes, 23 de Junio de 2017

O campamento Aquis Querquennae terá un novo torreón.

O. Ferreiro | 02 de Diciembre de 2016 (12:15 h.)
O campamento romano Aquis Querquennae.
O campamento romano Aquis Querquennae.

O xacemento romano Aquis Querquennis de Bande estará presidido por un novo torreón. Segundo informa o xornal La Región, a Deputación de Ourense, incluirá unha partida nos seus orzamentos para colaborar coa Fundación Aquae Querquennae nos traballos de consolidación da excavación.

A nova foi confirmada onte polo propio presidente provincial, Manuel Baltar, nunha visita guiada que realizou polo campamento. No percorrido, os arqueólogos Antonio Rodríguez Colmenero e Santiago Ferrer, explicaron os avances nas excavacións deste ano e as súas previsións de cara ao futuro. Os expertos cifraron en 100 mil a inversión necesaria para levar a cabo todo o traballo das últimas catro campañas. 

A visita de Baltar estivo enmarcada na presentación pública do número 6 da revista Larouco. Esta publicación está especializda na arqueoloxía galega e recolle estudos e informes sobre os traballos máis importantes que se están a dar neste senso en Galicia.