Dende a Limia
14:04 h. Domingo, 19 de Noviembre de 2017

A Xunta inicia as obras de reforzo de firme en 4 estradas autonómicas dos concellos limiáns de Bande, Muíños, Lobios, Xinzo de Limia, Porqueira e Lobeira por un importe de case de 820.000 euros

| 31 de Octubre de 2017 (20:33 h.)

A Consellería de Infraestruturas e Vivenda, a través da Axencia Galega de Infraestruturas (AXI), ven de iniciar as obras de reforzo do firme nos treitos máis danados das estradas OU-161, OU-301, OU-312 e OU-540 no seu desenvolvemento por dez concellos ourensáns:, , Celanova, , Bande, Muíños, Lobios, Xinzo de Limia, Porqueira e Lobeira. As actuacións dispoñen dun investimento de case 820.000 euros e o seu prazo de execución é de catro meses.   los concellos de  coa finalidade de mellorar a seguridade e comodidade dos seus usuarios.

503A delegada territorial da Xunta en Ourense, Marisol Díaz Mouteira, acompañada da xefa territorial da Consellería de Infraestruturas e Vivenda, Alicia López Míguez, comprobou o desenvolvemento das obras.

O proxecto define reparacións puntuais do firme que permitan prolongar a vida útil do pavimento das estradas obxecto da obra, mediante fresado e reposición nos puntos con deformacións, ou extensión de microaglomerados, segundo a necesidade de cada treito. Estas actuacións complementaranse coa reposición das marcas viarias, da sinalización vertical e dos elementos de balizamento. Tamén, onde sexa necesario, levarase a cabo a limpeza das cunetas.

Os traballos comezaron a executarse na OU-540, ao seu paso polo concello de Lobios, que é o municipio no que se prevén as actuacións máis importantes cun investimento de  240.000 euros. Concretamente, no treito entre o encoro das Conchas (p.q. 54+790) e o viaduto sobre o río Limia (p.q.57+700) se está a proceder á extensión dunha nova capa de microaglomerado.

Na OU-540, tamén se prevén reparacións do firme mediante selado de fendas lonxitudinais entre os p.q.3+810 e o p.q. 54+000, que vai desde o enlace da A-52 ata a travesía de Ermida, en Lobios. En total, a Xunta destinará 580.000 euros ás reparacións nesta estrada no seu desenvolvemento polos concellos de Barbadás, A Merca, Celanova, Verea. Bande, Lobeira, Muiños e Lobios.

Este paquete de reforzos de firme tamén contempla reparacións na estrada OU-312, entre o p.q. 1+200 e o 6+870 (termas de Lobios), que contan cun presuposto de 104.000 euros.

O firme da estrada OU-301 tamén será obxecto de reparacións puntuais nos concellos de Xinzo de Limia, Porqueira e Bande por un importe de 88.000 euros.

Na OU-161, no concello de Lobeira, actuarase entre a intersección coa estrada OU-540 (p.q. 0+075) e o 2+500 cun orzamento de 47.000 euros.   

Plan de Reforzos de firme

Estas actuacións forman parte do Plan de reforzos de firme co que a Consellería de Infraestruturas e Vivenda mellorará case 700 quilómetros de estradas de titularidade autonómica, cun orzamento de 20 millóns de euros.

O Goberno galego continúa a traballar no obxectivo prioritario de conservar a rede viaria autonómica en óptimas condicións coa fin de incrementar a seguridade viaria e proporcionar aos usuarios unhas vías cómodas que melloren a súa calidade de vida, potenciando o desenvolvemento económico e social dos municipios galegos.