lunes 16.09.2019
Lumes

A prisión un cazador de Porqueira como presunto autor de 7 lumes

O home, de 77 anos, causou supostamente 7 incendios no coto de caza de Porqueira.

Imaxe de arquivo dun lume detectado na comarca da Limia.
Imaxe de arquivo dun lume detectado na comarca da Limia.

Un cazador de 77 anos e veciño de Porqueira, Rafael R. S., ingresou onte en prisión preventiva por orde do xuíz de instrución de Xinzo de Limia. O home fora detido pola Garda Civil como presunto autor de 7 lumes forestais ocorridos no coto de caza do mesmo municipio limián.

Trátase do segundo detido este outono por causar, supostamente, incendios na comarca da Limia.

Os axentes inspeccionaran o terreo e comprobaran que as chamas declaráranse nunha zona de maleza onde abundaban as presas de caza. O mesmo detido fora quen en ocasións avisara ás autoridades competentes de que se detectara un foco incendiario na zona. Un dos lumes que se lle imputan chegou a alcanzar até 42 hectáreas de superficie queimada. Os 7 incendios producíronse entre setembro e novembro deste mesmo ano.

Trátase do segundo detido este outono por causar, supostamente, incendios na comarca da Limia.