Imprimir

O grupo Popular no Concello preguntará pola anulación dás obras na Casa da Cultura

Dende a Limia | 07 de agosto de 2019

Será unha das preguntas que farán no pleno de mañá xoves

Unhas das inquedanzas que trasladaremos mañá no pleno ordinario do mes de agosto, no turno de rogos e preguntas,  será a anulación da obra de melloras no edificio da Casa de Cultura, cando xa levaba tempo adxudicada e que xa case tiña que estar rematada. Melloras que ao o noso entender son esenciais tanto na reparación da cuberta como na ampliación da planta baixa.

Unha cuberta que se deteriorou moito neste inverno e que a filtración de auga fai que sexa un perigo pola posible caída do falso teito. E a ampliación da parte baixa para cubrir parte das necesidades de almacén e novas aulas solicitadas polos Técnicos de Cultura do noso Concello

Sorpréndenos que ante estás necesidades urxentes se anulase dita obra. Terán que dicirnos o motivo e en que se vai destinar o diñeiro presupostado para este proxecto.

Tamén pediremos explicacións sobre as “NON” actuacións do Obradoiro nas melloras programadas no Grupo San Sebastián en coordinación co Departamento de Obras. Pensamos que o novo Grupo de Goberno freou estas actuacións para tratar de deixar en mal lugar o anterior goberno.

Preguntaremos se algún proxecto máis se vai anular e que nos dea a motivación; de nada vale dicir que van gobernar a todos e a todas por igual, cando se quere abandonar os pobos pequenos como Gudes, Pena ou Porto Alto, non equiparando, como o resto, en centros sociais ou desbroces, xa que como andan a dicir; politicamente non son “rentables”.

 

Puede ver este artículo en la siguitente dirección /articulo/xeral/grupo-popular-concello-preguntara-pola-anulacion-das-obras-casa-da-cultura/20190807201859017240.html


© 2019 Dende a Limia

Dende a Limia
© 2014 Dende a Limia