Imprimir

Os Socialistas de Sarreaus demandan a retirada e eliminación dos restos das podas abandonadas nas cunetas da estrada ou-1102

Dende a Limia | 02 de septiembre de 2019

DesbrocesSarreaus01
DesbrocesSarreaus01

   O voceiro, Javier Bouzas, reclamou a pasada semana por escrito que o Concello proceda a súa retirada ou que traslade a demanda á Deputación por ser unha vía da súa titularidade                                                                

 

Os socialistas de Sarreaus demandan a inmediata retirada e eliminación dos restos das podas que ficaron abadonadas nas cunetas e marxes da estrada OU-1102. Ó longo deste verán estivéronse a acometer tarefas de limpeza e desbroce nesta vía, que é titularidade da Deputación Provincial de Ourense, mais estes traballos, a pesar de ser obrigatorios, necesarios e urxentes, non se levaron acabo de xeito óptimo, dado que os restos das árbores e arbustos feitas coa nova desbrozadora, quedaron abandonados nas cunetas.

DesbrocesSarreaus02Estes espazos ó marxe da estrada están agora nun estado inadecuado e perigoso, ateigados de ramas secas o que supón, a xuízo dos propietarios de leiras colindantes e tamén dos veciños e veciñas, un perigo engadido ante posibles incendios forestais.
Así pois, o voceiro dos socialistas neste muncipio ourensán, Javier Bouzas, reclamou a pasada semana por escrito que o Concello de Sarreaus proceda a inmediata retirada dos mencionados restos das podas feitas nesta estrada. Tamén solicitou que de ser competencia exclusiva da Deputación de Ourense, por ser quen acometeu as podas e ser unha vía de seu, que se comunique a esta institución para a súa eliminación coa máxima celeridade e urxencia.

Puede ver este artículo en la siguitente dirección /articulo/sarreaus/socialistas-sarreaus-demandan-retirada-eliminacion-restos-das-podas-abandonadas-nas-cunetas-da-estrada-1102/20190902214024017607.html


© 2019 Dende a Limia

Dende a Limia
© 2014 Dende a Limia