Cartas do lector: cianobacterias, illas vexetais e ultrasonidos

Eu quedo abraiado coas novas das que engado enlace. Sorprende que alguén poida considerar que atacar as cianobacterias con illas vexetais flotantes e con ultrasonidos sexa de abondo para solucionar o problema do encoro de As Conchas. Máis aínda, cabe preguntarse se no caso de que os ultrasonidos den cabo das cianobacterias, que efectos poden ter tales emisións sobre a fauna do encoro?

Por outra parte, está moi ben o das sancións pero o que sería desexable é que se tomasen medidas para que se eliminaran as causas da contaminación do río Limia. Namentres non o fagan o demais paréceme que soamente son paus de cegos.

¡XA ESTÁ BEN DE NAVEGAR, DE “NAUFRAGAR NO ENCORO” E DE MAREAR A PERDIZ!