Hoxe, a noite é delas
Sábado de mulleres en Xinzo de Limia, as féminas desfrutan da festa da que son protagonistas dentro do calendario do Entroido
REDACCIÓN
Twitter: @Dendealimia
Esta noite de Entroido é delas, das mulleres. E vaia se a saben aproveitar. Non pode faltar o disfrace nin a compañía das amigas. Seguindo cos bos costumes, as limiás xuntáronse para cear e arestora, con algún infiltrado ben recibido polo medio, bailan na Praza Maior de Xinzo ao ritmo das charangas XL e Achicoria.
Mañá, Domingo Corredoiro tocará desempoar por fin as máscaras de Pantalla e encher de novo a vila co son das chocas e a cor das capas. Unha das citas máis esperadas na que reaparece despois dun ano a protagonista, animadora e autoridade lexítima do Entroido. A partir das 12:30 horas reuniranse no epicentro da festa, a Praza Maior baixo a organización da asociación A Pantalla, para correr, troulear, saltar, brincar pero sobre todo sulfadrear.
Búscate na nosa galería de fotos da Noite de Mulleres premendo aquí.