jueves 16.07.2020

600 gaiteiros daranse cita na primeira fase do XI Certame Celtibérico de Bandas de Gaitas, en Vilariño de Conso

O evento cultural terá lugar o día 25 de xaneiro
600 gaiteiros daranse cita na primeira fase do XI Certame Celtibérico de Bandas de Gaitas, en Vilariño de Conso

O Concello de Vilariño de Conso prepárase para acoller a primeira fase do XI Certame Celtibérico de Bandas de Gaitas que terá lugar o vindeiro sábado, 25 de xaneiro, a partir das 11.00 horas, en memoria de Adelaida Domínguez Pérez, cantora de coplas de cego de Pradoalbar. A presentación deste evento cultural tivo lugar hoxe no Pazo Provincial, acto no que participou o vicepresidente da Deputación de Ourense, Rosendo Fernández; a alcaldesa de Vilariño de Conso, Melisa Macía; o director da Real Banda de Gaitas da Deputación, Xosé Lois Foxo; e o coleccionista de pliegos de cordel, Julio Domínguez.

Presentación do XI Certame Celtibérico de Bandas de Gaitas.- Na sala de xuntas do Pazo Provincial terá lugar a presentación do XI Certame Celtibérico de Bandas de Gaitas que se celebrará en Vilariño de Conso. O acto contará coa participación do vicepresidente da Deputación de Ourense, Rosendo Fernández; da alcaldesa de Vilariño de Conso, Melisa Macía; do director da Real Banda de Gaitas da Deputación, Xosé Lois Foxo; e do coleccionista de pliegos de cordel, Julio Domínguez.

O vicepresidente da Deputación de Ourense lembrou que o certame naceu con vocación de "servir como canle cultural ás bandas de gaitas de toda a Península Ibérica, sendo un complemento educativo ao ensino recibido na Escola de Gaitas da Deputación de Ourense".

Pola súa parte, o director da Real Banda de Gaitas da Deputación salientou que Vilariño de Conso converterase o vindeiro sábado “na capital da gaita e da nosa cultura”. Así mesmo, Melisa Macía afirmou que acoller este evento cultural supón tamén “homenaxear a nosa Banda de Gaitas, que leva máis de 30 anos realizando un importante labor a prol da nosa cultura e que, actualmente, conta con 25 integrantes”.

No Certame daranse cita “600 gaiteiros procedentes de bandas de gaitas de diferentes municipios da provincia, de León, Lugo, A Coruña, Asturias e Portugal”, sinalou Xosé Lois Foxo. A entrega de diplomas e medallas terá lugar ás 14.30 horas e, posteriormente, tódalas bandas participantes interpretarán conxuntamente o Himno do Antergo Reino de Galicia.

Monumento á copla

Ademais do Certame, o vindeiro venres, 24 de xaneiro, ás 17.30 horas, terá lugar a inauguración en Chaguazoso do monumento á copla “O caso das Piornizas”, creada por Leandro Besteiro no 1949.

600 gaiteiros daranse cita na primeira fase do XI Certame Celtibérico de Bandas de...