Os autores do Proxecto Sectorial Areeiras da Limia aceptan as alegacións de Sandiás e Vilar de Santos

Na mañá de onte, ás 12 horas da mañá, representantes do municipio limián de Sandiás mantiveron unha reunión en Compostela co Director Xeral de Minas e con responsables da Consellería de Medio Ambiente encargados da elaboración da avaliación ambiental estratéxica no Proxecto Sectorial das Areeiras da Limia.

Na reunión estiveron presentes os rexedores de Sandiás e de Vilar de Santos, así como os correspondentes secretarios dos dous concellos. Tamén estivo presente o técnico de Sandiás, o tenente de alcalde e representantes da Consellería de Industria da Xunta de Galicia. Segundo conta o alcalde de Sandiás, Felipe Traveso, "os representantes de de Medio Ambiente dixeron que para a elaboración do seu informe despois das alegacións, tiñan que esperar polos documentos da Confederación Hidrográfica Miño-Sil". Estímase que reciban eses documentos durante a primeira quincena do presente mes de decembro. Unha vez dispoñan de todos os informes, elaborarán o informe de impacto ambiental estratéxico, que dea paso á continuación na tramitación do proxecto.

Por parte dos técnicos que elaboraron o proxecto inicial e da industria areeira, tamén presentes na xuntanza, comprometéronse a "acatar e plasmar no proxecto todas e cada unha das alegacións formuladas polo concello de Sandiás -das que xa deu conta este xornal- e polo de Vilar de Santos". Afirimaron tam´ne, logo do achegamento de posicións e da coincidencia entre as aprtes, que a resolución das demáis alegacións estará lista na segunda quincena de xaneiro, cando se continuará coa tramitación do proxecto.