REMATOU O TORNEO DE TENIS FESTAS DE XINZO

David Garrido e José Losada \“XE\” disputaron a final

Onte rematou o torneo de tenis que todos os anos se disputa ao longo do mes de xullo coincidindo coas festas tradicionais.

O SUBCAMPIÓN TIVO QUE SER ATENDIDO NO CENTRO DE SAÚDE

16 foron os inscritos este ano todos eles mozos, excepto o campión de moitas edicións, pero que acusa xa os seus anos para a práctica do tenis. Aínda así chegou a final para enfrontarse a David Garrido o que soamente lle levaba 36 anos.

Aínda con este hándicap, \“Xe\” aguantou todo o partido , o que perdeu por 5-7;6-3;6-4, rematando e tendo que ser asistido no centro de saúde. Nada de importancia a súa idade de deportista veterano, que aguantou \“como un jabato\” as acometidas e os reveses do seu contrincante. Merecedor gañador do torneo, segundo as declaración do subcampión.

No que non lle gañan aínda os contrincantes é en \“animadoras\”. O Xe sigue atraendo o maior número de animadoras uniformadas ós partidos.