O Meco, xa preside o Entroido de Xinzo
Éxito de participantes e de público que non quixo perderse o segundo día de Entroido da vila
Xa na saída do Meco dende os baixos do Museo do Entroido se prevía que ía haber moita xente , tanto participando como vendo o percorrido e o colgamento do Meco.
A AGUILLADA DESTE ANO FOI PARA " O SEGUNDO"
Como nos últimos anos, antes do colgamento os membros da asociación da Pantalla quere distinguir aos entroideiros de Xinzo, facéndolle entrega da aguillada de mando. Este ano o orgullo recaeu en Segundo Diz Colemenero, coñecido entroideiro, aínda nos tempos en que a participación era escasa, e nos que el saía, sempre solitario escenificando, ata nos catro días seguidos ao mesmo personaxe.
Rematado o acto, o homenaxeado é o encargado de colgar ao Meco, que como sempre despois de dous intentos quedou no seu sitio de honra ata que remate o Entroido.