O alcalde de Xinzo ten pendente de trámite unha denuncia e un proceso xudicial en curso
14:48 18/06/13
14:48 18/06/13
O grupo nacionalista local quixo lembrar a semana pasada as tarefas pendentes que o rexedor ten coa xustiza
Segundo o BNG,...
O grupo nacionalista local quixo lembrar a semana pasada as tarefas pendentes que o rexedor ten coa xustiza
Segundo o BNG, Antonio Pérez, líder do consistorio limiao tería pendente de trámite una denuncia presentada na Fiscalía de Ourense e un proceso en curso aberto a instancia da Avogacía do Estado, por temas todos eles relacionados con arbitrariedades nas contratacións do ano pasado. Os nacionalistas aseguran que o proceso iniciado pola Avogacía do Estado está a ser torpedeado e obstaculizado desde o Concello por se negar reiteradamente a achegar a documentación solicitada polo instrutor, feitos que segundo os representantes do voto nacionalista no municipio, foron recoñecidos pola propia Subdelegación do Goberno. Así mesmo, Pérez estaría tamén agardando a que o Contencioso- Administrativo se pronuncie sobre as supostas irregularidades na selección da letrada do Concello, que fora recorrida polo sindicato maioritario dos traballadores. Os concelleiros do BNG interpretan esta situación coma a consecuencia dun claro intento por parte de Pérez por construír e consolidar o seu propio aparato caciquil. Redacción Dende a Limia