O campamento do ESQUECEMENTO vai collendo forma
Sorprendidos coa colaboración do Concello
Este ano parece que o ESQUECEMENTO vai máis de presa que en edicións pasadas. As boas temperaturas e a autorización para comezar a montaxe das casetas animou o parque do Toural.
Sorprendidos coa colaboración do Concello
Fai uns días que a comisión organizadora do ESQUECEMENTO 2019 mantivo unha reunión cos responsables das distintas areas que teñen relación coa festa e coa alcaldesa Elvira Lama. Iván Prado portavoz da comisión manifestou que el cada ano di o que sinte realmente como representante da festa e este ano temos que dicir que estamos sorprendidos positivamente. Non pensamos que a colaboración fose a ser a que está sendo. Aparte dunha achega de 6.000 €, xa comprometida, o Concello encargouse de poñer a decoración das rúas e esta mesma tarde todo o alumeado do campamento está posto. En edicións pasadas colocábase o mércores e algunha vez o xoves.
A MAIORÍA TRABALLANDO E TOMANDO MEDIDAS
Como se pode comprobar nas imaxes de dendealimia.com. varias casetas estaban xa montadas, outros grupos, a primeira hora da tarde estaban descansando para comezar a faena e outras tomando medidas e facendo buratos. Recordar que este ano a festa comeza o xoves 22 coa cena de campamento que nesta edición consistirá como prato forte o porco ao espeto.