A Deputación mellorará as instalación das Corcerizas
Así llo prometeu Manuel Baltar esta mañá aos xestores do centro, a ONG Amigos da Terra
REDACCIÓN
Twitter: @Dendealimia
Esta mañá e baixo a neve, Manuel Baltar visitaba o Centro de Educación Ambiental As Corcerizas no concello limiao de Vilar de Barrio, que é pioneiro en Galicia e referencia nacional no ámbito medioambiental. O presidente da Deputación prometeulles aos seus xestores, a ONG Amigos da Terra, unha serie de melloras nas instalacións. O edificio de arquitectura bioclimática que serve de albergue e que contén aulas de formación en materia medioambiental e bioconstrucción, será onde se realicen as obras.
O órgano provincial quere que As Corcerizas se converta no centro de referencia do Observatorio de Sostibilidade que se está realizando desde a Área e Medio Ambiente da propia Deputación, polo que apostará polo seu desenvolvemento e promoción para que cada vez sexan máis os visitantes que se acheguen a este espazo ambiental de excelencia", explicou Manuel Baltar. Este centro formará parte dunha rede de concienciación e divulgación ambiental, coa posta en marcha, dentro do Plan Ourense 92 de xestión e estratexia operativa, da granxa escola de Armariz.