viernes 30/10/20

Unha vintena de rapaces fan de Muíños “Natureza Viva”

Onte daba comezo no municipio un campo de traballo con participantes de entre 18 e 30 anos REDACCIÓN Vinte rapaces de idades...
Campos de traballo

Onte daba comezo no municipio un campo de traballo con participantes de entre 18 e 30 anos

REDACCIÓN

Vinte rapaces de idades comprendidas entre os 18 e os 30 anos, participan desde onte no campo de traballo “Naturez Viva” no concello de Muíños. Estes mozos e mozas, que proveñen de Galicia pero tamén doutras comunidades do Estado, traballarán na recuperación de áreas degradadas, na mellora dos accesos ao propio albergue e na reforestación de zonas do parque de Outeiro da Cela.

Esta iniciativa forma parte da campaña de verán que organiza cada ano a Consellería de Traballo e Benestar, programa a través do cal xa tiveron lugar outros dous campos de traballo en Celanova e as Corcerizas, no municipio limiao de Vilar de Barrio.

Cine e natureza

O campo de traballo que se desenvolveu en Celanova, entre o 15 e o 31 de xullo, estivo centrado no mundo do audiovisual. Nel, unha trintena de participantes colaboraron na elaboración dunha curtametraxe pasando por tódalas estacións do proceso creativo: redacción do guión, produción, rodaxe, montaxe e posprodución. O das Corcerizas,  foi de carácter medioambiental e deu oportunidade a 20 rapaces, entre os días 1 e 12 de agosto.

Os campos de traballo están dirixidos á mocidade galega, española e mesmo a aquela que reside noutros países. Así os galegos de entre 18 e 30 anos que o desexen tamén poder optar a participar nalgún dos 49 campos que se organizan en todo o territorio do Estado, ou nalgún dos que se celebran en 27 países.

Comentarios