A procesión do Santo Enterro, volveu a lucir como sempre
01:08 16/04/22
01:08 16/04/22
Moita, moita xente, con moita devoción, e sobre todo silencio
Un ano máis a procesión do Santo Enterro de Xinzo, volveu a ser un dos acontecementos importantes da vila. Cunha temperatura de pleno mes de xullo, a hora prevista foron saíndo os pasos que na noite do venres santo procesionan polas rúas da vila.
Como no último ano antes da pandemia a procesión foi presidida por Monseñor D.José Rodríguez Carballo, Arcebispo de Belcastro. Asistiu tamén a alcaldesa Elvira Lama acompañada por membros da corporación local e a música estivo a cargo da Agrupación Musical da Limia.