lunes 29/11/21

    A taberna cultural de Vilar de Santos está de aniversario e durante a fin de semana terán lugar diversas actividades para festexalo. 

O sábado día 30 vai ser o día grande e comezará a xornada ás 19h cun obradoiro para nenos e nenas na Arca da Noe. Ás 22.30h arrancarán as actuacións musicais da man de Uxía dende Galicia, João Gentil de Portugal e Sérgio Tannus dende Brasil. Haberá tamén foliada ó longo de toda tarde. 

Non faltará o polbo do Pucho e comida vegana da man de Natalia e Vítor. 

A Arca da Noe está de noraboa celebrando dous anos de actividade nos que se converteu nun local de referencia da zona. Recentemente recibiu o premio Martín Códax como mellor sala de espectáculos de Galicia. 

Comentarios