jueves 6/5/21
Realizarase no Pavillón municipal de Deportes ao longo de todo o sábado por parte de 8 equipos de enfermería

4.000 veciños da Limia serán chamados para o cribado do sábado en Xinzo

3.136 veciños e veciñas de Xinzo e a 864 da bisbarra

Cribado de Xinzo 2
Cribado de Xinzo (Foto arquivo)

En total serán 4.000 as persoas seleccionadas, que se corresponden cos usuarios e usuarias de 18 a 40 anos da bisbarra e os maiores de 40 anos dos concellos de Xinzo de Limia, Porqueira, Calvos de Randín, Sandiás e Vilar de Santos, segundo comunicou o Sergas nunha nota de prensa. Todos están a ser citadas hoxe e maña para a realización da proba co obxectivo de limitar a transmisión e detectar os casos asintomáticos.

A mostraxe será proporcional ao tamaño e a situación epidemiolóxica dos concellos da bisbarra, correspondendo o 78,4% da mesma á poboación de Xinzo, segundo lle comunicou o Sergas á alcaldesa de Xinzo, de tal maneira que alcanzará a 3.136 veciños e veciñas deste concello e 864 do resto.

O lugar elixido será de novo o Pavillón de Deportes de Xinzo, no que 8 equipos de enfermería da Área Sanitaria de Ourense, Verín e O Barco se encargarán de realizar a proba a todas as persoas seleccionadas ao longo do sábado, entre as 09:00 e as 14:00 horas e as 15:00 e as 20:00 horas.

Este será o segundo cribado en Xinzo, si ben o primeiro, o pasado 15 de novembro, so foi para veciños e veciñas desta poboación, aínda que nun número moi inferior. Entón realizáronse PCR a 1.040 usuarios e usuarias, si ben acudieron 848.