8M en Xinzo

Os actos comezarán o martes coa Praza Maior como epicentro. Neste lugar instalarase unha carpa informativa sobre a sensibilización e promoción da igualdade e prevención da violencia de xénero, a cargo de persoal do CIM e á que poderá achegarse a cidadanía en horario de 9.00 a 13.00 horas. A partir das 10.00 está prevista unha concentración e a lectura da declaración institucional do Concello de Xinzo de Limia.