lunes 10/8/20
Nadal

O Conservatorio de Xinzo despediu o ano co seu concerto de Nadal

Dende o Conservatorio todos os alumnos e todos os profesores puxeron toda a ilusión e esforzo para que o público presente puidera desfrutar esta velada musical que dá entrada a estas datas tan especiais do Nadal.

Un momento da actuación dun dos coros do centro de alta formación musical.
Un momento da actuación dun dos coros do centro de alta formación musical.

O Nadal está preto. E no Conservatorio Profesional de Música de Xinzo de Limia, coma todos os anos, festexárono con música –como non pode ser doutro xeito–. Un concerto onde os alumnos mostraron o seu talento e esforzo durante todo o primeiro trimestre do curso. Os rapaces xa levaban varias semanas preparando as súas actuacións con toda a súa ilusión así como estudando e ensaiando horas extra. Pero esta semana foi a recta final. Foron, sen dúbida, días intensos de remate de avaliación onde tiveron tanto exámes como ensaios xerais para que o xoves todo saira perfecto.

IMG-20171222-WA0002

Os máis cativos de "Música e movemento" así como de "Iniciación musical" deron a benvida ao público asistente e iniciaron o concerto acompañados polos alumnos de 1º de Grao Elemental, o coro de Grao Profesional e unha representación de todos os instrumentos musicais que se ensinan no centro. A continuación foi o turno para unha selección de panxoliñas tradicionais, populares e outras algo máis modernas aproveitando as datas nas que nos atopamos. Soaron, entre outras, obras clásicas de compositores como Vivaldi, Mozart, Schubert, Strauss, Grieg ou Debussy… e outras máis contemporáneas coma Piazzolla, Miller ou Rota.

IMG-20171222-WA0000

Dende o Conservatorio todos os alumnos e todos os profesores puxeron toda a ilusión e esforzo para que o público presente puidera desfrutar esta velada musical que dá entrada a estas datas tan especiais do Nadal.

IMG-20171222-WA0001

O Conservatorio de Xinzo despediu o ano co seu concerto de Nadal