Nove detidos por tráfico de drogas en catro puntos da provincia entre eles Xinzo de Limia

Foto de arquivo dun alixo de droga incautado pola Garda Civil.
Nove detidos por tráfico de drogas en catro puntos da provincia entre eles Xinzo de Limia

A denominada "Operación LUK" sáldase con nove persoas detidas e a incautación de 8.500 doses de cocaína, 100 de haxix, tres vehículos e 2.000 euros en efectivo. A operación púxose en marcha en maio para rematar cunha rede organizada que vendía droga nos núcleos de Ourense, Xinzo, Celanova e A Valenzá.

O instituto armado comezou coa investigación tras detectar un aumento do consumo de droga sobre todo na zona de Celanova de onde proceden a maioría dos detidos. Tras varias pescudas, levouse a cabo a detención de 9 persoas nesta fin de semana con idades comprendidas entre os 19 e 57 anos.

A droga incautada alcanza os 200.000 euros e agora os detidos están a espera de pasar a disposición xudicial durante este luns no Xulgado de Instrución I de Ourense.