As feiras xa se parecen ás de antes da Covid
Moita xente, mitos postos, bo ambiente e moito polbo
A feira do 27 sempre ten sido das mellores do ano, e por suposto do que levamos de ano, tamén se cumpriu.
MOITA XENTE E MOITA SEGURIDADE
Estes días estamos a ver que en grandes concentracións de xente, polo país adiante, a xente non segue as medidas de seguridade impostas e recomendadas. Na feira desta mañá en Xinzo o 100% dos visitantes levabamos postas as mascarillas, cousa que todo o mundo agradecía.
MOITO AMBIENTE
O ambiente na nova localización dos postos era moi bo. Nalgún momento, eso si, tivo que intervir a Policía Local para que algún dos feirantes, que non cumpría as normas de separación, levantara o seu posto, sen maiores consecuencias.
Ao longo da mañá a feira estivo animada coa presenza do equipo do programa da TVG Imos de feira, que estivo gravando parte do programa que será emitido pola canle galega nas vindeiras semanas.
MOITOS POSTOS DE POLBO E CARNE AO CALDEIRO
Xa a parte central do campo da feira se atopaba chea de postos de polbo, churrasco e carne o caldeiro. E xa foron bastantes os que acudiron a xantar como é costume. É de esperar que a próxima feira do 14, sexa como as dos anos pasados. Isto será unha boa sinal para todos.
