REMATOU O OBRADOIRO DE XINZO E BALTAR
O custe total das actuacións ascenderon a 86.000 €
No salón de plenos de Xinzo realizouse o acto de clausura do obradoiro de emprego coa presenza do Delegado da Xunta, Rogelio Martínez e os alcaldes de Baltar e Xinzo.
O alcalde de Xinzo quixo destacar o esforzo e o bo traballo realizado por tódolos alumnos. Rogelio Martínez, no seu discurso destacou tres dos obxectivos principais destas actuacións, cales son :
1. Formar a xente para conseguir unha boa inserción laboral no mercado e conseguir un Certificado de Profesionalidade.
2. Facer 6 meses de actividades para o servizo dos seus veciños.
3. 6 meses de remuneración que permite achegar unha nómina a final de mes a cada familia.
As actuacións levadas a cabo nos dous concellos foron, por parte de Xinzo
- Beirarrúa marxe dereita rúa Padre Feijoo
- Rehabilitación integral do Centro Social da Gorgoloza
- Mellora dos parques e zonas axardinadas do Concello
No concello de Baltar realizáronse as seguintes actuacións:
- Beirarrúa en Sampaio
- Beirarrúa en a Boullosa
- Mantemento de xardíns e áreas recreativas