Xinzo prepárase para un verán cargado de festexos
Actividades xa programadas para o verán en Xinzo de Limia por parte da Concellería de Cultura, Festexos e Deporte.
A concellería de Cultura, comandada polo edil popular Luis Miguel Gil, atópase en pechando xa a programación cultural para o verán de 2017, logo de xa ter presentado o programa de actividades para o Día das Letras Galegas.
Unha das princpais actividades confirmaras será a celebración dun espectáculo infantil na rúa todos os sábados ás 20: 30 horas, dende o 8 de xullo ata o 12 de agosto.
Dependendo da recadación veciñal, estudarase a posibilidade de contratar concertos e monólogos de humoristas recoñecidos para as Festas de Santa Mariña.
Así mesmo, o concelleiro informa que veñen de se confirmar as orquestras e grupos que actuarán nas Festas de Santa Mariña. Xinzo poderá desfrutar das orquestra Miramar –o domingo 16–, co Combo Dominicano e a orquestra Nebraska –o luns 17– e cos grupos Suadade e Graffitti –o martes 18–. O sábado, día 15 de xullo, terá lugar o III Festival e Gaitas onde, ademáis da participación das diferentes bandas da capital da Limia, participarán as de Piedras Blancas –de Asturies– e outra de Viana do Castelo (Portugal). Tamén haberá sesión vermouth coa "Chikiband" –da Agrupación Musical da Limia–.
Durante as festas, o concello organizará diferentes espectáculos infantís os días sábado, domingo, luns e martes. Segundo informan dende o consistorio, dependendo da recadación veciñal, estudarase a posibilidade de contratar concertos e monólogos de humoristas recoñecidos para o venres e para a verbena do sábado.
Mais estas non son as únicas actividades musicais e culturais que se están a programar dende o Concello de Xinzo. A saber:
Festival Infantil de Bandas de Música o 9 de xullo –coa participación da Chikiband–.
Festival de Bandas de Música o 30 de xullo coa Agrupación Musical da Limia.
Festival de Folclore o 13 de agosto.
Acto do Día Nacional de Galicia o 25 de xullo.
Estúdase a posibilidade de recuperar o FAX –Festival Alternativo de Xinzo– para o sábado 5 de agosto.
Estúdase tamén a posibilidade de organizar unha Feira de Artesanía no mes de xuño.
Colaborarase coa Asociación Teatro Aneis nas distintas representacións que terán nestes meses.
Colaborarase co Festival da Academia Danzón o 24 de xuño na Praza Carlos Casares.
Colaborarase tamén co Festival de Fusión.
Colaborarase activamente coa Festa do Esquecemento organizada pola asociación Civitas Limicorum.