Imprimir

Un ciclista tivo que ser rescatado tras caer e desorientarse en Vilar de Barrio

Patricia F.S | 31 de marzo de 2016

O home practicaba deporte pola serra de San Mamede cando sufriu o accidente

    Un ciclista circulaba pola serra de San Mamede, en Vilar de Barrio, na tarde do mércores. Por causas que se descoñecen, caeu e desorientouse.

Tras pasar uns momentos de angustia, conseguiu chegar á estrada que vai de Vilar de Barrio cara Alberguería pero non sabía a que altura se atopaba polo que alertou ó 112 Galicia, cando eran as 21h da noite.

Os servizos de emerxencia localizaron ó home tempo despois. Como consecuencia do golpe, presentaba unha ferida na cabeza e foi atendido polos técnicos de Urxencias Médicas. A pesar das feridas, o ciclista estaba consciente e mesmo mantivo o contacto co persoal do CAE-112 Galicia. 

O Centro de Atención de Emerxencias de Galicia solicitou tamén a axuda dos axentes da Garda Civil e dos membros de Protección Civil de Vilar de Barrio. Na busca tamén participaron efectivos da agrupación de Maceda que recibiran unha chamada dun veciño.

 

Puede ver este artículo en la siguitente dirección /articulo/vilar-de-barrio/ciclista-tivo-ser-rescatado-caer-desorientarse-vilar-barrio/20160331120345006654.html


© 2020 Dende a Limia

Dende a Limia
© 2014 Dende a Limia