Imprimir

O conselleiro José Manuel Rey Varela entrevistouse esta mañá en San Caetano co rexedor Plácido Álvarez Dobaño, alcalde de Muiños

Dende a Limia | 06 de julio de 2017

288
288

Na entrevista  fixeron un repaso dos principais recursos sociais cos que conta a localidade, entre os que destacan o Servizo de Axuda no Fogar, que ofrece 9768 horas anuais de atención aos veciños e veciñas

O conselleiro de Política Social, José Manuel Rey Varela, convocou un novo encontro con alcaldes e alcaldesas de Galicia, neste caso, co rexedor do concello de Muíños, Plácido Álvarez Dobaño, co obxectivo de afondar nas liñas de colaboración entre administracións para garantir o benestar dos galegos e galegas.

Ambos mandatarios fixeron un repaso dos principais recursos sociais cos que conta a localidade, entre os que destacan o Servizo de Axuda no Fogar, que ofrece 9768 horas anuais de atención aos veciños e veciñas deste concello ourensán.

No que atinxe ao mapa de infraestruturas locais, Muíños conta cunha residencia para persoas maiores en cuxa construcción colaborou a Xunta e que na actualidade conta con 30 prazas no centro de día e outras 40 residenciais.

Así mesmo, no ámbito da conciliación e do benestar dos nenos e nenas, a Xunta xestiona a escola infantil unitaria da localidade, que conta cunha unidade e 20 prazas.

Rey Varela e Álvarez Dobaño acordaron seguir estudando posibles novas vías de colaboración entre a administración autonómica e a local para mellorar e ampliar os servizos de atención aos veciños de Muíños.

Puede ver este artículo en la siguitente dirección /articulo/muinhos/conselleiro-jose-manuel-rey-varela-entrevistouse-mana-san-caetano-co-rexedor-placido-alvarez-dobano-alcalde-muinos/20170706204409010095.html


© 2020 Dende a Limia

Dende a Limia
© 2014 Dende a Limia