Imprimir

Excarceran a dúas persoas tras colidir dous turismos en Calvos de Randín

Dende a Limia | 01 de noviembre de 2019

As dúas persoas quedaron atrapadas dentro dos seus vehículos

Segundo informa o 112 Galicia , pasadas as 17:30,dúas persoas resultaron feridas esta tarde nun accidente entre dous vehículos que circulaban á altura do cruce que vai a Portugal, na localidade de Calvos de Randín (Ourense).

Faltaban dez minutos para as 17:30 horas cando o 112 Galicia recibía a alerta dun particular. Indicaba que podía haber persoas atrapadas no interior dos turismos.

Decontado, os xestores do 112 puxeron os feitos en coñecemento dos Bombeiros de Xinzo e dos membros do GES de Muíños. Ademais informaron aos Servizos Sanitarios de Urxencia de Galicia-061, á Garda Civil de Tráfico e aos efectivos de Protección Civil da localidade, de Muíños e da Porqueira.

Tras confirmar que as dúas persoas estaban atrapadas entre os ferros dos turismos, tanto os Bombeiros como os membros do GES procederon coas tarefas de excarceración.

Debido á gravidade da situación os servizos sanitarios optaron por desprazar ata o lugar ao helicóptero medicalizado con base en Ourense, aínda que, finalmente, os dous ocupantes de ambos vehículos, tras ser liberados, puideron ser evacuados en ambulancia.

calvos 2calvos3calvos5calvos6

Puede ver este artículo en la siguitente dirección /articulo/xeral/excarceran-duas-persoas-colidir-dous-turismos-calvos-randin/20191101202652018235.html


© 2020 Dende a Limia

Dende a Limia
© 2014 Dende a Limia