Imprimir

Xornada de portas abertas en Bande para empresas da Baixa Limia e Celanova

O. Ferreiro | 16 de marzo de 2017

Imaxe da xornada de portas abertas de onte.
Imaxe da xornada de portas abertas de onte.

O obxectivo das mesmas era darlles a coñecer as instalacións do centro e o xacemento Aquae Querquennae – Vía Nova de Bande.

No día de onte tivo lugar no centro de interpretación Aquae Querquennae – Vía Nova de Bande unha xornada de portas abertas para hostaleiros, restauradores e empresas relacionadas co turismo das comarcas da Baixa Limia e Terras de Celanova. O obxectivo das mesmas era darlles a coñecer as instalacións do centro e o xacemento e aproveitar este marco incomparable como punto de encontro destas empresas e como canal de comercialización dos seus produtos e servizos.

Ao finalizar a xornada, os asistentes ao acto puideron degustar produtos que proximamente se atoparán á venda no "mercado Xurés". Trátase dun mercado destinado á promoción e venda de produtos e servizos do territorio, pero tamén un complemento como punto de información dos recursos e actividades dos concellos que forman parte do Parque Natural Baixa Limia – Serra do Xurés.

Puede ver este artículo en la siguitente dirección /articulo/bande/xornada-portas-abertas-bande-empresas-da-baixa-limia-celanova/20170316235747009008.html


© 2020 Dende a Limia

Dende a Limia
© 2014 Dende a Limia