Nin veciños nin visitantes quixeron perderse o gran desfile de Entroido
Máis de trinta mil espectadores ateigaron as avenidas limiás de Madrid e Ourense para non perder detalle do espectáculo
REDACCIÓN redac@dendealimia.com Twitter: @DendealimiaMartes de Entroido en Xinzo de Limia é sinónimo de gran desfile. Onte, miles de visitantes ateigaron as avenidas de Madrid e Ourense para non perder detalle das comparsas e carrozas que o conformaban. As Pantallas foron como cada ano as encargadas, como maior autoridade da festa, de abrir a comitiva que saíu contra ás cinco da tarde da avenida de Portugal para percorrer o centro da vila.
A imaxinación volveu tomar o control e as rúas enchéronse con folclóricas, hippies, leóns, rapeiros, pallasos, mecánicos de Fórmula 1 e outros representantes do Entroido máis enxebre. Todos luciron as súas creacións durante tres horas de diversión onde non faltou a música das gaitas e as charangas. Premendo aquí, encontrarás máis fotos do desfile.