A Plataforma en Defensa do Partido Xudicial de Xinzo pídelle aos alcaldes da Limia que se involucren na causa, aparcando as diferenzas ideolóxicas
Desde este colectivo entenden que é hora de unificarnos ao redor dun interese común e superior ao partidario como é a comarca
REDACCIÓN
Twitter: @Dendealimia
A Plataforma en Defensa do Partido Xudicial de Xinzo ven de enviar unha misiva a tódolos alcaldes da comarca da Limia co fin de que se decidan a participar nas reunións e na manifestación convocada para o vindeiro 10 de xullo en contra da supresión deste organismo. Todos sabemos o grave que sería para a zona perder o Partido Xudicial e con el o xulgado e o rexistro civil, explican desde este colectivo polo que lle piden os rexedores aparcar as lexítimas diferenzas ideolóxicas que nos definen, para activarnos e unificarnos ao redor dun interese común e superior ao partidario, a comarca.
Desde a Plataforma están convencidos de que entre todos podemos influír para que o goberno dea marchar atrás nos seus plans de deixar á Limiar sen servizos xudiciais. Xunto coa carta destinada a cada un dos presidentes dos once consistorios limiaos este colectivo axuntou o cartaz da marcha programada para o mes que vén, pedindo así mesmo aos rexedores difundilo no seu termo municipal.