Xinzo é de primeira e non de terceira
Manifestación polas rúas de Xinzo en contra da supresión do Xulgado
REDACCIÓN
redac@dendealimia.com
Twitter: @Dendealimia
As 8 do serán partía do concello a cabeceira da manifestación presidida por unha pancarta co lema NON O PECHE DO XULGADO.
Varios centos de persoas acompañaban aos portadores, membros das diferentes plataformas que se opoñen ao traslado das instalacións do xulgado da vila. Durante todo o percorrido pola rúa dous de Maio e S.Roque, así como no paso pola praza maior, repetíronse as consignas en contra do peche.
Dende alí os manifestantes dirixíronse a praza Carlos Casares, na que un representante da plataforma leu un manifesto no que explicaba a todos os presentes, dos que moitos se uníran ao longo do percorrido, as consecuencias nefastas, tanto para Xinzo, coma para os concellos da comarca.
Así rematou a manifestación, non sen dar as grazas, os organizadores, pola masiva afluencia de xente á mesma.