As Festas de Santa Mariña arrancan cunha noite de baile e cinema

As festas de Xinzo viven ós seus días fortes e o venres chega coa proposta dun espectáculo de baile.

A partir das 20.30 horas o alumando da Academia Danzón de Xinzo deleitará ó público cos seus bailes na praza Carlos Casares. As persoas que ata alí se acheguen poderán aprender de balde pasos de baile latino.

A partir das 22h é a quenda do audiovisual coa proxección de "Vida" de Rubén Riós, un proxecto que inclúe unha curtametraxe e un documental protagonizados por persoas con discapacidade.

Na pantalla instalada a carón da Casa de Cultura, podemos ver as caras de Óscar Rodríguez e Mónica Ferreiro, protagonistas que nunca antes se puxeran diante a cámara. Os secundarios son actores recoñecidos como Javier Gutiérrez, Cristina Castaño, Mariana Carballal, María Mera e Estíbaliz Veiga.

A xornada de troula remata coa Dj´s & Rap PARTY que dará comezo ás 00h na Praza de Oriente.