Hoxe, concerto didáctico do conservatorio

O presente curso 22-23 o Conservatorio ten no seu Calendario Escolar diversas actividades programadas ó longo do curso, para fomentar e difundir a música entre o propio alumnado e o resto de rapaces da comarca. Entre elas está o Concerto Didáctico que se organiza o 31 de Maio ás 11:00 h. da mañá, no Auditorio “Ángel Cocho” da Casa de Cultura de Xinzo de Limia.

O obxectivo de dito concerto é dar a coñecer o conservatorio e todo o que facemos nel dun modo lúdico e didáctico ós rapaces dos diferentes colexios da comarca. Para elo, mesturamos música e escea, para mergullar ós máis cativos na historia musical que lles mostramos. O tema que hila toda a historia do concerto, son as melodías clásicas máis famosas e populares dos compositores máis famosos da historia.

Dito concerto correrá a cargo dos propios alumnos e alumnas que con tanto esforzo e entusiasmo prepararon as súas actuacións baixo a dirección dos profesores: Elena Domínguez Rodríguez, Miguel Moreira Mata, Esmeralda Marra López, Jesús Dopazo Amorín, Eliseo Penín Rodríguez, Roberto Seara Abad, Nieves Llopis Tormo e Alejandro Martínez Ares. Escoitaremos agrupacións de todo tipo, conxuntos de todas as especialidades, actuacións individuais, música de cámara e por suposto a orquesta do conservatorio como peche do concerto. Este ano os colexios asistentes son: os C.E.I.P Carlos Casares, Rosalía de Castro, Sandiás e Baltar