A música coral resoou na Igrexa Vella de Xinzo

Ante un escasísimo público de Xinzo e unha grande maioría de acompañantes das corais participantes a Igrexa Vella de Xinzo encheuse, para escoitar as actuacións dos orfeóns de Trives, Castro Caldelas e a coral Sta. Mariña de Xinzo.

Dentro do público asistente atopábase a alcaldesa de Castro Caldelas, sendo a máxima e única representación de Xinzo a do concelleiro de Facenda.

Unha vez rematadas as execucións dos diferentes grupos e despois da entrega dos agasallos de protocolo por parte da Agrupación Musical da Limia, organizadora do festival, as tres agrupacións actuaron xuntas, facendo as delicias do público asistente.