Xogos e teatro para os máis pequenos no Parque do Toural de Xinzo

A mañá do venres será unha xornada especial para os máis cativos cunha morea de actividades programadas.

A partir das 10.30h comezará unha obra de teatro denominada "Non teñas medo". A peza recolle a historia dun neno que a través da súa imaxinación percorre o mundo buscando monstros.

Ó remate do teatro terá lugar a apertura da carpa interactiva ás 11.30h na que os nenos e nenas poderán gozar de xogos virtuais. Entre eles un simulador de condución, karaoke e diversos xogos coa Playstation. Tamén será o momento no que comecen a funcionar os inchables, o toro mecánico e un taller de tatuaxes.

As actividades terminan cunha festa da escuma con temática Steampunk.

A ludoteca móvil é un proxecto que organiza a Deputación de Ourense coa colaboración do Concello de Xinzo de LImia.