Rematou o programa de Cáritas para o Val de Salas
Cunha exposición na Casa de Cultura de Baltar dos traballos realizados
Mais de trinta persoas, a maior cantidade delas da terceira idade aprenderon a pasar o tempo facendo manualidades, ximnasia e talleres de memoria, entre outros.
Veciños de Baltar, Boullosa e S. Martiño perante case un ano dirixidos pola coordinadora do programa Ana e coa colaboración de Palmira, Floren e Sole adiáronse a que os veciños e veciñas, algunha delas de mais de 80 anos, empregaran o tempo libre nos pobos en actividades formativas e de mantemento.
EXPOSICIÓN NA CASA DE CULTURA DE BALTAR
Todos os traballos realizados polos asistentes aos talleres foron expostos dende este verán en Baltar. A exposición foi visitada durante este tempo por moitos veciños e visitantes.
Este luns o Concello de Baltar quixo obsequiar a todos os participantes cun xantar de confraternización.
Jose Antonio Feijó, alcalde do concello, estaba moi satisfeito polos traballos e talleres que se realizaron, entendendo que o obxectivo de dinamizar o entorno rural e de xerar puntos de encontro, estivo conseguido e animou tanto a Cáritas como aos participantes para que este vindeiro ano sigan coas actividades que agora remataron a campaña 2017.
RECUPERACIÓN DO PATRIMONIO INMATERIAL
Ana Mª Vázquez en representación de Cáritas Ourense manifestou que nos próximos meses vanse facer uns novos cursos nos que se traballará a recuperación do patrimonio inmaterial da zona.
Un dos traballos que se van a realizar será unha exposición sobre a emigración. Para levalo a cabo estanse pondo con xentes da zona que tiveron que emigrar, para que acheguen fotografías e documentos orixinais da época.
Os centros dos tres concellos entre o que se atopa o de Baltar seguirán acollendo estes talleres que teñen un custo de 10 € ao mes.