Ferido un camioneiro nun accidente en Bande
O camión estaba vertendo moito gasóleo no lugar do sinistro.
Un camioneiro resultou ferido na OU-540, á altura de Bande, ao saírse da vía co camión –que ía cargado de bobinas de papel– que estaba a conducir. Polo momento non se coñece o estado do ferido.
Desde o Centro de Atención ás Emerxencias de Galicia púxose en alerta a Urxencias Médicas.
Foi ao redor das 23:30 horas deste martes cando un particular deu aviso ao 112 Galicia e avisou ademais que, debido ao impacto, o camión estaba vertendo moito gasóleo no lugar do sinistro.
Desde o Centro de Atención ás Emerxencias de Galicia púxose en alerta a Urxencias Médicas, Garda Civil de Tráfico e aos membros do GES de Muíños. O persoal do CAE 112 Galicia solicitou ademáis a colaboración dos efectivos de Protección Civil de Bande e do persoal do servizo de mantemento da estrada.