Os xóvenes de Bande emprenden un negocio experimental coa resina dos pinos
A campaña comezará entre marzo e abril cuns obxectivos ben marcados
Un colectivo de xóvenes de Bande, integrado por desempregados e traballadores, iniciarán esta primavera unha primeira campaña experimental para avaliar a rendibilidade do aproveitamento da resina dos pinus pinaster. Trátase dunha sustancia sólida ou de consistencia pastosa que se utiliza nas industrias de madeiras, alimentarias e farmacéutica.
O reto para o 2015 é completar unha campaña con 15 picas (feridas se lle fan ao piñeiro para que bote a resina cada 12 días). O traballo realizárase nun pinar de 1.000 exemplares que lles cedeu unha comunidade de montes de Lobeira. Esta actividade é totalmente compatible con outros usos como o madeireiro, a caza ou a micoloxía.
O obxectivo dos resineiros, se os datos llo permiten, sería alugar os piñeiros ás comunidades de montes para darlle traballo á xente da zona mediante o aproveitamento da resina dos piñeiros. Esta iniciativa surxiu do foro \“Transformando Ourense\” que o ano pasado impulsou ao Concello de Bande en iniciativas que sirvan de referencia para a súa aplicación na provincia.