O BNG QUERE VIVENDAS COMUNITARIAS NOS POBOS
O Bng de Camilo Vila desmárcase das promesas de macorresidencias que abandeiran as outras forzas políticas en Xinzo e aposta por un modelo máis rural, humano e viable.
O Bng de Xinzo critica con rotundidade a inviabilidade dun proxecto que prometen as outras forzas políticas que se presentan á alcaldía. Camilo Vila, educador social, e Alba Feixó, avogada e número 3 da lista de Vila, estudaron as propostas que abandeiran Psoe, Áxil e PP extraendo unha conclusión: nin se axustan a criterios de viabilidade técnico-xurídica nin económico nin responden ás necesidades das persoas maiores do concello. Considérano “efectista e enganoso”.
A aposta do equipo de Vila é unha rede de Vivendas Comunitarias Públicas situadas en núcleos rurais cunha capacidade máxima de 12 prazas para manter o modo de vida rural e cunha carga económica asumible polas persoas.