miércoles 19/1/22

Ata 13 exemplares de cabra montesa poderán ser cazados na Serra do Xurés

Medio Ambiente autorizará as capturas tras constatar a correcta evolución da especie REDACCIÓN [email protected]  Twitter: @Dendealimia Despois de constatar a estable, constante e crecente...
capp21

Medio Ambiente autorizará as capturas tras constatar a correcta evolución da especie

REDACCIÓN

[email protected]

 Twitter: @Dendealimia

Despois de constatar a estable, constante e crecente evolución da cabra montesa no parque natural Baixa Limia- Serra do Xurés, a Consellería de Medio Ambiente autorizará a caza de ata 13 exemplares, entre os vindeiros meses de outubro e xaneiro. A Xunta estuda un plan de aproveitamento desta especie para a tempada de caza 2014-2015 que será aprobada nas vindeiras semanas ao comprobar a ampliación progresiva da súa área de distribución territorial.

A captura realizarase mediante a modalidade do axexo e os exemplares serán previamente seleccionados polo persoal do Parque, unhas limitacións que buscan establecer un escenario que permita a conservación e equilibrio da especie ao tempo que se busca a rendibilidade para esta zona.

Especie extinguida

A cabra montesa é unha especie autóctona da Península Ibérica, que se extinguiu no Parque Natural Baixa Limia- Serra do Xurés a finais do século XIX. Desde a década dos anos noventa, a Dirección Xeral de Conservación da Natureza traballou en prol da súa recuperación; polo que no ano 1998 levouse a cabo a súa reintrodución, empregando exemplares procedentes do Parque Natural do Invernadoiro (orixinarios da Serra de Gredos en Ávila).

Dende o ano 2000 estase a realizar un seguimento da súa poboación mediante a participación de técnicos e vixilantes do Parque Natural Baixa Limia- Serra do Xurés e do Parque Natural Peneda- Gerês en Portugal. Este traballo conxunto deu como froitos avistar unha evolución positiva da poboación, polo que en 2013 se encargou un estudo á Universidade de Vigo para determinar o estado real.

 

Comentarios