A noite máis fría do outono viviuse en Calvos

Os termómetros tolearon en Calvos na madrugada do domingo, chegando aos dez grados baixo cero. Segundo Meteogalicia, o concello limiao acadou esta temperatura case polar debido a “unha inversión térmica”. Este fenómeno atmosférico sucede cando o aire frío, que pesa máis, se acumula durante a noite en zonas baixas coma o caso de Calvos, a onde non volve o agarimo de temperaturas máis agradables ata que sae o sol.

Con todo, os meteorólogos prevén unha subida de temperaturas a partir de mañá, ca entrada de ventos do sur que lle darán unha tregua aos nosos pobres ósos conxelados.