3ª concentración Pre-Mini da fase galega de basket
O sábado celebrouse en Xinzo cos equipos Peleteiro de Santiago, Salesianos Vigo, o Meco do Grove e o A.B. Xinzo
Esta competición a catro organízase entre os 16 mellores clasificados de Galicia e os dous primeiros clasificados xogarán a fase de ascenso este fin de semana en Lalín.
VISITA DO ADESTRADOR NACIONAL DA SELECCIÓN ABSOLUTA FEMENINA
A sorpresa do público que asistiu aos partidos do sábado a mañá e a tarde, foi a presenza nas gradas do seleccionador do equipo feminino de baloncesto Miguel Méndez, que se atopaba nas gradas seguindo ao seu fillo que xogaba no equipo de Vigo. Equipo que resultou o gañador do torneo, o cal tivo moito apoio nas gradas como se pode comprobar na foto adxunta.
O Presidente e adestrador do A.B. Xinzo, Luis M. Gil, estivo saudando e compartindo anécdotas co seleccionador nacional.
Esta foi a primeira ocasión que un equipo pre-mini de Xinzo se clasificou para xogar esta liguilla de ascenso, co que a satisfacción do club e dos propios xogadores foi moita.