Abre o prazo para o torneo solidario de fútbol sala que organizan Novas Xeracións do PP

torneo
Abre o prazo para o torneo solidario de fútbol sala que organizan Novas Xeracións do PP

Un ano máis Novas Xeracións do Partido Popular de Xinzo organizan un torneo solidario de fútbol sala. O evento deportivo terá lugar na fin de semana do 23 e 24 de xullo.

O prazo para anotarse está aberto e pode facerse a través do número de teléfono 606 19 08 89. Esta segunda edición do torneo contará coas categorías sub 16 e afeccionados e a de veteranos.

As inscricións son de 15 quilos de alimentos non perecedoiros na categoría sub 16 e 30 quilos para o resto de equipos.

Os premios consistirán en tres trofeos para os primeiros de cada categoría e a maiores haberá un ó porteiro menos goleado e outro ó máximo goleador de cada clase.

O presidente de NNXX, José Antonio Parente, fixo público o seu agradecemento ós patrocinadores do evento. O que se recade ten como destino Cáritas parroquial de Santa Mariña de Xinzo.