domingo. 02.10.2022

O A.B. Xinzo ficha por primeira vez a un adestrador que non é da canteira

Toni Ladra, histórico xogador e adestrador de baloncesto foi presentado aos xogadores esta noite.

1º adestramento de Toni Ladra en Xinzo
1º adestramento de Toni Ladra en Xinzo
Toni Ladra
Toni Ladra

Esta noite os xogadores dos equipos sénior e júnior recibiron con gran satisfacción a quen será durante a tempada 22/23 o seu adestrador Toni Ladra, quen despois das presentacións dirixiu o seu primeiro adestramento da tempada.

Este equipo formado totalmente na canteira, no que case todos os xogadores levan xuntos dende os 8 anos, necesitaba alguén con experiencia en competicións fortes e sobre todo que fora novidade. Aos  que levamos moito tempo, xa nos teñen collida a “agulla de marear”. Así se manifestaba Luis M. Gil, coordinador do club e adestrador deste equipo durante as últimas tempadas.

Queríamos alguén do perfil de Toni, e déronse moitas circunstancias positivas, sobre todo a  filosofía do noso club, para que por primeira vez un adestrador foráneo da categoría e traxectoria de Toni, tanto como xogador como de adestrador decidira coller a estes dous equipos.

Non tivemos practicamente oportunidade de falar con Ladra, simplemente saudalo, posto que aínda sendo o primeiro adestramento co equipo este era de moita intensidade, estilo “da casa”.

Benvido e desexámoslle moitos éxitos e felicitamos ao club por traer a Xinzo un adestrador coa traxectoria de Toni Ladra en Ourense e fora da provincia.