viernes. 03.02.2023

O A.B. Xinzo, segue a pisar forte na provincia.

Júnior feminino e Infantil masculinos, equipos invictos nas  6 xornadas disputadas
Visita a Maside1
Visita a Maside1

Os primeiros en competir este fin de semana foron os equipos Sénior masculino e feminino, perdendo os dous equipos contra os seus rivais, o feminino en Ourense e o masculino na casa, nun partido moi igualado que se decantou nos últimos minutos a favor do Taula, máis que por acertos do contrario , polos fallos dos Limiaos, no tiro libre.

Equipos infantís na súa visita a Maside
Equipos infantís na súa visita a Maside

Os Júnior desprazáronse ata o Barco conseguindo unha vitoria e unha derrota, por parte do equipo masculino, perdendo por tan solo 2 puntos nos últimos segundos. As féminas gañaron  de seis puntos.

Maside foi outro dos destinos deste fin de semana a onde se desprazaron os equipos cadetes, conseguindo tamén un triunfo, neste caso do equipo masculino e pola contra unha ampla derrota das féminas.

Os infantís masculinos contan os seus partidos por vitorias.

O equipo infantil masculino colleitou outra vitoria máis co que xa levan seis, sendo primeiros de grupo. As féminas desta categoría tamén perderon.

 Os Mini masculinos gañaron en Celanova e o mini feminino perdeu na casa co Blanco Amor de Ourense.

Os e as Pre-mini 2013  gañaron tanto na casa como na visita que fixeron as Carmelitas.

As pre-Mini 2014 perderon no seu desprazamento a Ourense ao campo do Mestre Vide.