Cheo no pavillón para presenciar a Copa Deputación de ximnasia
Velaquí che mostramos todas as imaxes da xornada.
Este sábado, día 13 de maio, Xinzo de Limia erixiuse coma unha caste de capital galega do deporte. Ademáis do fútbol infantil e benxamín, o Pavillón de Deportes acolleu a primeira fase da Copa Deputación de ximnasia.
O pavillón estivo cheo durante toda a mañá.
Foron máis de 400 os participantes que, representando a todos os clubs de ximnasia da provincia de Ourense, demostraron as súas dotes nesta disciplina diante dun numeroso público. Todos eles participaron nunha competición única, a máis importante da provincia do interior de Galicia.
E como non podía ser doutro xeito, houbo unha importante presenza do talento limián. Estas son todas as rapazas e rapaces do club ED Xinzo que participaron no torneo de ximnasia, con todos os trofeos e medallas recibidos.
Sandra e Heidy son as entrenadoras de todoas estas rapazas e rapaces de Xinzo que fixeron unha moi boa actuación na Copa Deputación. O pavillón estivo cheo durante toda a mañá e, na hora das exhibicións e entrega de trofeos, non chegaban as gradas.
Foron tamén varios os equipos de Xinzo quedaron en primeira posición e moitos os que ficaron en segunda e terceira. Case todas as participantes da Limia tiveron distinción.
