O equipo de Limiactiva acada a trixésima posición no Campionato de España de atletismo

Madrid foi testemuña da boa estrea da Asociación Deportiva Limiactiva nun Campeonato de España de atletismo.

O hipódromo da Zarzuela acolleu unha proba de campo a través que reunía ós mellores atletas a nivel nacional. Ata alí desprazáronse os rapaces que forman parte da categoría cadete dispostos a gozar da experiencia.

Pese as molestias físicas dun dos seus integrantes, o equipo formado por cinco compoñentes rematou a carreira. Anass Nagihi (85º), Pablo Nogueiras (136º), Kevin Rodríguez (151º), Said Abdoum (169º) e Marco N. Lema (237º), conseguiron acadar a posición número trinta como equipo, logo de recorrer os 4.585 m dun traxecto que mesturou terra, herba e area.

O resultado non puido ser mellor tratándose da primeira vez que un equipo de atletas da Limia participa nunha proba deportiva desta categoría a nivel estatal. Atletas, adestradores e toda a familia de Limiactiva amosáronse orgullosos do papel realizado polo equipo cadete.

Tras esta cita deportiva, o seguinte reto é loitar polo Campeonato Provincial e Galego de Campo a Través Escolar, que terá lugar nas próximas semanas e ó que acudirán os deportistas de Limiactiva.

.