Máis de 1.500 espectadores no III Memorial Toñito Maestro
Máis de 500 rapaces e rapazas viñeron coompetir á capital da Limia para homenaxear por terceiro ano consecutivo ao querido Toñito Maestro.
Os rapaces das EDC Xinzo saíron a dalo todo ó campo. Correron, suaron a camiseta e acadaron moi bos resultados. De feito, os da capital da Limia conseguiron proclamarse como subcampións na categoría alevín.
Máis de 500 xogadores de toda Galicia distribuídos en máis de 30 equipos, que encheron, o pasado sábado día 16 de setembro, as instalacións deportivas da Moreira.
En total foron case 60 partidos de fútbol 8 aos que asistiron a impresionante cifra de 1500 espectadores, segundo informa o edil do ramo, Luis Miguel Gil a este xornal.
A xornada estivo marcada polo fútbol pero tamén polo recordo da figura de Toñito Castro "O Maestro". A familia e amigos estiveron presentes no torneo.
