O Provincial Escolar de fútbol sala decídese na Limia

Dos pavillóns de Xinzo e Baltar sairán os campións das categorías benxamín mixto, alevín, infantil e cadete masculino

O Campionato Provincial Escolar de Fútbol Sala xogará a súa fase final mañá nos pavillóns de Xinzo de Limia e Baltar. Desde as dez da mañá e ata as oito da tarde, os pequenos das categorías benxamín mixto, alevín, infantil e cadete masculino enfrontaranse para convertérense nos mellores de Ourense.

Os equipos participantes serán os vencedores das fases zonais, Valdeorras, A Limia, Monterrei, Arenteiro e San Rosendo, un total de 15 conxuntos desfrutarán dunha xornada clave para o fútbol base.