Rubén Diz convértese en sub- campión de España de Veteranos nos 10 quilómetros en ruta
Unha nova conquista deste limiao na carreira que se celebrou o pasado sábado na vila coruñesa de Padrón
REDACCIÓN
Twitter: @Dendealimia
O atleta limiao Rubén Diz conseguía a prata esta fin de semana no Campionato de España de Veteranos de 10 quilómetros en ruta, acadando así mesmo, o duodécimo lugar na categoría absoluta desta carreira que se celebrou en Padrón.
Segundo palabras do propio atleta nas redes sociais, estivo acompañado no podio por un referente, un amigo e o meu adestrador, unha vez completou a distancia da proba, en 31 minutos e 30 segundos. Ademais, quixo dedicarlle o anaco de metal a todos eses mini atletas que teño que son unhas máquinas, en referencia ás pequenas promesas do atletismo que el mesmo adestra.
Preme aquí para consultar a clasificación completa.